Pentaqonun UFO Ofisi bir ildə 700-dən çox hesabat aldı - The Hill

Pentaqonun UFO Ofisi (AARO) 2023-cü ildə naməlum anomal hadisələr  haqqında 757 hesabat alıb.

Oxu24.com xəbər verir  ki, “The Hill”in məxfiliyi ləğv edilmiş hesabata istinadən yazdığı kimi, müşahidələrin və şahidlərin ifadələrinin sayında kəskin artım olub. Eyni zamanda, Müdafiə Nazirliyinin keçmiş məmurları iddia edirlər ki, ABŞ-da insan imkanlarını xeyli üstələyən texnologiyalar var.

Bildirilir ki, yalnız 118 hadisə hava şarları, quşlar və dronlara aid edilib, daha yüzlərlə hadisə isə yoxlanılmaq üçün növbədədir. Agentlik ümumilikdə 1652 işi araşdırsa da, ofis hesabatda "yadplanetlilər, fəaliyyət və ya texnologiya ilə bağlı heç bir sübut tapmadığını" qeyd edib.

AARO-nun direktoru Con Kosloski, "Əlbəttə ki, anomaliyalar var, lakin biz yad planetlə heç bir əlaqə qura bilməmişik", deyə qeyd edib.

 

İndi fəaliyyət göstərməyən Aerokosmik Təhlükələrin Müəyyənləşdirilməsi Proqramının keçmiş direktoru Luis Elizondo Konqresə deyib ki, hökumət “kosmosda tək olmadığımızı gizlətməyə” çalışır.

 

"Hökumətimiz və ya hər hansı digər hökumət tərəfindən yaradılmayan qabaqcıl texnologiyalar bütün dünyada həssas hərbi qurğulara nəzarət edir. Bundan əlavə, ABŞ-ın bəzi rəqiblərimiz kimi UAP texnologiyası var" deyə o bildirib.

Jurnalist Maykl Şellenberqer millət vəkillərinə bildirib ki, Pentaqon mənbələri ona yüksək keyfiyyətli UAP şəkillərini toplayan “Imaculate Constellation” adlı gizli proqram haqqında məlumat verib. 

Hərbçilər bildiriblər ki, ABŞ səlahiyyətliləri UAP gəmilərinin qəzaya uğramış insanı olmayan materialları bərpa etmək üçün gizli proqrama başlayıb.

 

Nigar